Medical at Burial Assistance sa ilalim ng Local AICS, patuloy na ipinamamahagi ng Pamahalaang Lungsod!

Karagdagang 91 mga Tanaueño ang muling nabigyan ng tulong pinansyal sa ilalim ng programang Local Assistance for Individual in Crisis Situation (AICS) na regular na ipinamamahagi tuwing Huwebes ng Pamahalaang Lungsod sa pangunguna ni Mayor Sonny Perez Collantes at sa tulong ng City Treasurer’s Office at Tanauan Local Social Welfare and Development Office.

Ang programang ito ay pamamaraan ng lokal na pamahalaan upang mabigyan ng Medical assistance at burial assistance ang ating mga kababayang nangangailangan.

Bukas naman mula Lunes hanggang Biyernes ang Tanggapan ng mga Mamamayan ng Lungsod ng Tanauan para sa lahat ng ating mga kababayang nais humingi ng tulong mula sa ating Pamahalaan.